SPORT • Futboll

Nga fabrika në yll të Gjermanisë

Undav lindi më 19 korrik 1996 në Varel të Gjermanisë dhe u rrit në Achim, pranë Bremenit. Me origjinë kurde-jazide, ai u largua nga akademia e Werder Bremenit në moshën 16-vjeçare, kur shumëkush mendoi se ëndrra e tij kishte marrë fund. Por ai nuk u dorëzua.

Teksa luante në divizionin e katërt gjerman me TSV Havelse, ai zgjohej në orën 4 të mëngjesit për të punuar 8 orë në një fabrikë, e më pas shkonte në stërvitje. Në vitin 2020 firmosi me Union Saint-Gilloise në Belgjikë dhe shpërtheu, duke u shndërruar në një nga sulmuesit më të mirë të kampionatit. Më pas erdhi transferimi te Brighton, ndërsa karriera e tij mori hov të ri te Stuttgart, ku u kthye në një nga yjet e Bundesligës. Sot, historia e tij është frymëzim për çdo të ri që beson te ëndrrat. Në Kupën e Botës 2026, Undav ka qenë një nga protagonistët e Gjermanisë me 3 gola dhe 2 asistime, duke ndihmuar ekipin të kalojë fazën e grupeve. 🇩🇪